 |
|
|
Ti
Panagasawa Ken Panagpamilia
(Maikadua a Paset)
(23 Jul 00 - 29
Jul 00)
|
| |
| |
|
|
| |
Pudno unay nga ti panangasawa ket
maysa a drama gapu ta addaan kadagiti amin nga elements ti drama.
Ngem ti nakristianoan a panagkallaysa ket naisupsupadi a kita ti drama.
Iti drama ti radyo, no mangegtayon tay pangrikep a musika ket kunan ti
announcer, "Ket ditoyen nga aggibus ti dramatayo ita nga aldaw.
Dumngegkayto manen inton bigat iti sabali manen a pannakaisangbay
ti 'Linabag ti Biag', ammotayon a naggibus ti drama. Iti met
telebision ken betamax, no nagparangen ti "The End", nalpasen
ti drama.
Ngem ti drama ti nakristianoan a panagkallaysa ket sabali.
Kalpasan a nagmaga ti pirma ti nobio ken nobia iti marriage contract,
kalpasan nga nagbisoda, rimmuardan iti simbaan, nalpasen ti reception,
naisublin diay naupaan a trahe de boda, naggapudan a naghoneymoon,
naggibus kadin ti drama? Saan. Karugrugina laeng. Itan,
masapul nga dagiti agassawa ipakitada iti tunggal maysa babaen iti
aramidda, sadinoman ti ayanda, ti napnoan ayat a singgalut ni Cristo ken
ti iglesia. They must do this in such a way that all who see them,
uray pay dagiti saan a nakatan-aw iti biblia, may be reminded of the
love affair of Christ and His Church. Daytoy ti mision wenno
nakaibaonan ti kristiano nga agassawa.
Tapno masungpotda daytoy a nakaibaonanda, ni Cristo sumrek iti
panagbiagda iti naisangsangayan a wagas babaen iti nakristianoan a
panagkallaysa. Daytoy ti gapuna nga ti nakristianoan a panangasawa
ket maawagan iti sakramento. It not only reveals grace, it
communicates grace, which is none other than Christ's own presence, love
and life shared with the married couple.
Nasken nga ammoentayo nga dagiti agassawa nga mismo ti mangi-administer
iti bagbagida ti nakristianoan a panagkallaysa. Ti padi saan nga
isu ti mangted wenno mangiyaramid ti sakramento kadagiti agassawa.
Isu laeng ti manakder iti kasar. It is the couple who, by their
mutual self-gift and acceptance, administer the Sacrament of Matrimony
to each other. Iti sabali a pannao, dagiti agassawa rugianda ti
panagbiag a naasawaan babaen iti panangtedda iti maysa ken maysa ti
kasayaatan a sagut - the greatest gift they can give, which is not
themselves, but Christ's own presence, love and life. Ket kayat ni
Cristo nga agtultuloyda a kalasugan ti grasia iti tunggal maysa iti unos
ti panagbiagda. Iti kasta, iparangarangda ti misterio ti
panaginnayat ni Cristo ken ti iglesiana. Hence, we speak of
Christian marriage as a permanent sacrament.
No dayta ti sagut ken mision nga inted ni Cristo kadagiti agassawa iti
nakristianoan a panagkallaysa, dagiti ngarud agassawa nga napudno iti
nakaayabanda a bokasion ket awan duadua nga agbalinda a nasingpet.
Ti grasia ni Cristo ket dumanon kadagiti agassawa babaen iti ayat ken
serbisio nga ipaayda iti tunggal maysa. Babaen iti naintaoan a
panangipamatmat iti panagayat - through daily acts of serving, showing
respect and affection, caring, forgiving, praying, etc. - idanonda ti
ayat ni Cristo iti tunggal maysa. Babaen kadagitoy, maiyasidegda
ti bagbagida saan laeng nga iti tunggal maysa no di pay ket ken ni Apo
Dios.
Daytoy panagpinnasubli iti grasia ket iladawanna ti misterio ti ipapatay
ken panagungar ni Cristo. Umona, ti panangibaklay iti krus
tapno magun-od ti nasinsin-aw nga ayat ken biag. Maikadua, ti kita
ti panagayat ni Cristo nga naipamatmat iti misterio ti panagtutuokna.
No agminningming ngata dagiti nagkasar sakbay a rummuarda iti simbaan,
nalabit tunggal maysa kadakuada ket makunana iti bagina, 'Daytoy nga tao
ti krus ti panagbiagko.'
Ta pudno unay nga ti asawa nga lalaki ken babai ket krusda iti tunggal
maysa. Manipud iti aldaw ti kasar, agtinnulongda iti pakadagsenan
ti tunggal maysa tapno matungpalda ti linteg ni Cristo (Gal. 6:2).
Dayta nga linteg ket isu ti linteg ti ayat nga mangibilin nga
agiinnayattayo a kas iti panagayat ni Cristo kadatayo (Jn. 15:12).
Naisangsangayan nga ayat dayta. It is not a conditional love.
Saan nga "I love you if . . ."
Kadakami nga nagtured a nangasawa, idi damomi ti agayat daytay kunada
nga romantic love. Iti daytoy nga paset, kadagiti agayan-ayat,
daydiay ay-ayatenda ket is-isu ti kapintasan, kaguapoan ken kasayaatan.
Ti laeng makitkitada dagidiay desirable ken attractive qualities daydiay
ay-ayatenda. Nupay no adda met madlawda nga saan a nasayaat,
saanda nga ania nga ikankano dagitoy. Ti riknada ket kasda la
agsaksakay ti lidda.
Ngem daytoy nga paset ti ayan-ayatda ket di maliklikan nga sarunoen ti
sabali a paset: the stage of disillusionment wenno pannakadesmaya.
Inton dumteng daytoy, mangruginto nga madlawda dagiti defects wenno
pagkurangan ti tunggal maysa. Uray dagiti banag nga nakaigapu iti
panagduyos ti riknada iti maysa ken maysa ket makasagibar metten.
Madlaw diay babai nga adda gayam bad breath ti kilikili ni lakayna.
Daydiay lalaki madlawnan nga banlag ni baketna. Ken dadduma pay
nga saanen a makaay-ayo a bambanag.
Umapay iti tunggal maysa dagiti kakastoy a pampanunot, "Kastoy
gayam ti naasawak. Diak la impagpagarup. No am-ammok la koma.
Apay ngata nga isu ti inasawak/nakiasawaak idinto ta met balikbayan nga
addaan iti 4M (saan a 4 million pesos) - Matandang Mayaman na Madaling
Mamatay? Naballugitkon sa ket ti nangasawa/nakiasawa."
Iti ababa a pannao, saanen a nalaka ti agayat. Saandan a kasla
agsaksakay ti lidda no di ket kasda la natinnag ti nuang. Masapul
nga ibaklayda ti ayat a kas maysa a krus. They have to re-make a
decision to love. Itan saan laengen nga "Ay-ayatenka gapu ta
. . ." ngem "Ay-ayatenka uray pay no adda bad breath ti
kilikilim," "Ay-ayatenka uray pay no agarakup ti panagkitam,
sallakungka, etc., etc." Reality bites. Nalabit a no kunada
iti Ingles nga ti panangasawa ket "settling down", saanna
laeng a kayat a sawen ti panangpili iti kataktakunaynay iti unos ti
panagbiag. It also means "settling for" something less
than you have always dreamed of.
Iti daytoy a paset ti panagbiag, adu nga agassawa ti saan a makaibtur.
Adda agsisina. Dagiti dadduma an-anusanda lattan ta naikawada
ngaruden. Ti kasayaatan nga aramiden ket isu ti panangibaklay iti asawa
a kas maysa a krus ken ti panangayat kenkuana iti ayat a makapalipat
kadagiti pagkuranganna. Success in marriage depends on the
willingness of both partners to enter into the paschal mystery in their
married intimacy.
No babaen iti grasia ti Dios dagiti agassawa ket madisidirda nga ayaten
ti tunggal maysa a kas iti panagayat ni Cristo kadakuada, mariknada ti
baro nga ayat ken biag ti naestadoan a kasasaadda. Kaslanto man la
idi damoda ti agkitan. But it is also the beginning of another
cycle. The couple have to live and re-live the paschal mystery
over and over again until they meet the Lord of glory face to face.
|
|
| |
| |
|
|
|
|
 |
|
|