 |
|
|
Sinogo --
Mayor Ti Lagangilang
ni Ram Tuzon
& AIPerlas / AT
News
(09 Jul 00 - 15 Jul 00)
|
|
|
|
|
|
|
|
|
KALPASAN
iti nasurok dua a tawen a pannakaimbierna ti pannakaipakaammo ti
resulta ti botos ti kinamayor iti ili a Lagangilang, naiproklamar ni
Lizardo Sinogo Jr. kas nangabak a mayor.
Daytoy ti resulta ti naaramid a recount idi Hunio 30 iti kapitolio
probinsial kas maiyannanurot iti pammilin ken desision ti Comelec
Manila iti protesta elektoral iti baet da Sinogo ken nakabalubalna a
ni Oswald Villamor. Tallopulo ket maysa (31) a balot boxes a
buklen ti naipan sadiay kapitolio manipud iti temporario a
panangaywan ni Bishop Artemio Rillera SVD DD para iti nasao a
recount.
Sakbay ken kabayatan ti recount ket timmaud dagiti nagduduma a
protesta ken reklamo a nangpataud iti delay. Karaman iti
daytoy ti pannakadeny ti protesta iti biang ni Villamor a saan a
pannakaiproklamar ni Sinogo kalpasan ti recount a sadinno ket
nagparang a nangabak iti innem (6) a botos. Insigida met a
nagsapata ken nagtugaw kas mayor iti Lagangilang ni Sinogo kagiddan
ti panangipalgakna nga ad-adu kuma pay a botos ti naipaay kenkuana
no saan a naaddaan ti pannakatikaw dagiti umili iti
pannakadiskualipika iti mismo a kaaldawan ti eleksion idi Mayo 11,
1998.
Iti interview ti AT news inpanamnama ti mayor- elect nga mailaksiden
dagiti banag ken pakaseknan politikal iti nasao nga ili. Segun
kenni Sinogo, ikkanna ti atension dagiti programa ken proyekto para
iti panagdur-as ti ilina. Sinagidna ti linak ken talna a
kunana ket ipaayanna ti umdas a suporta partikular dagiti ramit ken
kasapulan dagiti otoridad. Iti imatang dagiti kameng ti media,
pormal nga inyallawat ni Vice Mayor Adelaida Agcongay ti temporario
nga inakemna a mayor kenni Sinogo. Saggaysa a tinaming dagiti
dua, dagiti ramramit, napapateg a dokumento ken bambanag pakaseknan
ti sasaaden ti gobierno munisipal.
|
|
|
|
|
|
|
|
|
|
|
|
|
|
 |
|
|
