| |
|
Casual Nga
Empleado Ti Buclo Away Pay Naikkat
by AAdriatico/CMN News |
| Inrakurak
ni Bucloc Mayor Egan Sangay nga awan pay laeng t mapasamak a panagikkat
kadagiti casual nga empleado ti munisipio kadagitoy a gundaway.
Segun kenkuana, dagiti casual
employees ti agtalinaed pay laeng kadagiti trabaho ken saanda nga apektado
to Steam Lining ti gobierno. Innayon ni Sangoy nga iyurayda pay nga
umuna ti 1st Release ti Internal Revenue Allotment wenno IRA sakbay nga
agaramid met ti maiparbeng nga addangen
Kunana a no matuloy ti reduction ti
IRA key ditoy a posible nga agikkat met isuna kadagiti sumagmamano a
casual employees ti nasao nga ili. No pay kasta, mangnamnama ti
nasao a Mayor a saan met laeng a mapatuloy ti Budget Reduction gapu ta
mamati isuna a maapektaran ti pannakaipaay ti Basic Services kadagiti
umili ti Bucloc. |
| |
|
Medical Dental
Mission Sadiay Licuan
by AAdriatico/CMN News |
| Idauloan
ti Diocesan Health Care Apostolate ti maisayangkat a Medical Dental
Mission sadiay Poblacion Lucuan. Daytoy ti naammoan manipud kenni
Brother Rommel Solon, Coordinator.
Segun kenduana, daytoy ket babaen ti
pannakitinnulong ti Knights of Columbos, Catholic Women's League ken iti
Legion of Mary. Daytoy ti kaunaan nga Medical Dental Mission ti
Diocese iti daytoy a tawen ken posible pay a manayonan. Ti nasao nga
aktibidad ket maigiddan a maiwardas ti kaaldawan ti Fiesta ti nasao nga
lugar a no sadino ket manamnama nga adu dagiti mabenifisiaran.
Ti kaaldawan ti fiesta ti Licuan
Proper ket inton Feb. 11, kaaldawan ti Medical Dental Mission, babaen ti
panangidaulo ti Diocesan Health Care Apostolate. |
| |
|
Papeles Ti COA
Nairuar Iti Steel Cabinet Ti ASAT
by LBigornia/CMN News |
| Rinugianen
nga inruar manipud kadagiti steel cabinets dagiti papeles ti opisina ti
Commission on Audit a paset ti nauram a pasdek diay Abra School of Arts
and Trade wenno ASAT.
Mismo nga inimatangan dagiti kameng
ti COA ti pannakaiyakar ti nasao a papeles manipud ti steel cabinet a
naikabil iti karton.
Numan pay kasta, awan pay la ti
naituding a petsa no kaano ti mismo a panangsukimat ti Office of the
Provincial Prosecutor dagiti dokumento kalpasan a bilinen ti Department of
Justice a mangisayangkat ti inbestigasyon.
Immuna ti daytoy, indauloan ni
Provincial prosecutor Rodor Gayao ti inbestigasyon ti isyo. |
| |
|
Bangkay
Nasarakan Iti Abay Ti Panteon
by UBobiles/CMN News |
| Madama
iti panangisaysayangkat ti nainget nga inbestigation ti San Quintin
Municipal Police Station para iti pannakaitudo dagiti suspects ti kaudian
a pasamak iti pammapatay ti nasao nga ili.
Daytoy ket kalpasan nga awan pay
laeng ti maitudo a suspetsa ti misteryoso a pannakapapatay ni Ronelo
Baguang y Cambis, agrawen 36 ken naed ti Barangay Tangadan, San Quintin
idi Enero 15. Ti bangkay ti biktima ti nasarakan a mismo iti abay ti
maysa a panteon iti nadakamat a barangay ken daytoy ti nagaboran ti garami.
Ti biktima ti naduktalan nga addaan ti nakaru a sugat ti ulona a mabalin a
nakagapu ti pannakatayna.
Maibasar iti pakpakauna nga
imbestigasyon, ti biktima ti naudi a nakita sakbay a natay iti balay ti
kabsatna a babai ken makiin-inum ken daytoy ti pimmanaw ti nasao a balay
iti agarup alas 9 ti rabii.
Nalla manipud iti nakapasamakan ti
krimen ti maysa nga stainless a natadem a kutsilyo ken bato a mapapati a
nausar ti pammapatay. |
| |
|
Honorarium
Dagiti Barangay Officials Nadawat A Maingato
by AAdratico/CMN News |
| Kidkiddawen
dagiti barangay officials, pakairamanan dagiti barangay captains ken
konsehales ti ili ti Penarrubia ti ingangato ti Honorariumda iti daytoy a
tawen.
Kanaig daytoy segun kenni SB Member
Rudy Santiago, Committee chairman on Appropriations ti SB ti nasao nga ili,
madama ti panangtratarda iti daytoy a kiddaw dagiti opisial ti 9 a
barangay ti Penarrubia tapno kitaen ti legalidad daytoy a kiddaw a
panagpangato ti Honorariumda.
Inpaay ni SB Santiago, ti naangay a
kaudian a Regular Sessionda ket naimbitaran ti Budget Officer ti ili kasta
metten ti pannakabagi ti Provincial Budget Office. No pay kasta,
daytoy a kiddaw dagiti barangay opisiales t Penarrubia ket agdepende it
situasion ti IRA ti nasao a munisipio ti daytoy a tawen ken saanna nga
apektaran ti 20% development fund dagiti barangay.
Ti agdama, dagiti kapitan ti nasao
nga ili ti umaw-awat ti Monthly Honorarium nga sangaribu a pisos kabayatan
nga innem a gasut a pisos met kadagiti barangay konsehales. |
| |
|
|
| |
|
|
 |
|