| |
|
PNP Suporta
Laeng Iti Laban vs Illegal Logging
by UBobiles/CMN News |
| Inlawlawag
ni PO1 Chief Supt. Cresencio Maralit, CAR Regional PNP Director nga
agbalin laeng a suporta ti ak-akmen ti PNP mainaig iti kampania dagitoy
kontra iti illegal logging. Reaksion daytoy ni General Maralit ti
pannakiinnuman kenkuana dagiti kameng ti lokal a media ditoy Abra.
Segun kenkuana, sidadaanda a mangted
iti police assistance iti lead agency a Department of Environment and
Natural Resources wenno DENR tapno naan-any nga agballigi ti gandat
dagitoy a panangaywan ti aglawlaw.
Kabayatanna, indawat n General
Maralit iti pannakitinnulong iti PNP iti panangidanon kenkuana a report
manipud ditoy Abra a pakairamramanan ti PNP personnel iti Abra PNP
Command. |
| |
|
Pacuno Agsubli
Iti Hunta Probinsial
by AAdriatico/CMN News |
| "Agsaritakami
pay." Daytoy ti reaksion ni Bokal Victorino Barona kabayatan ti
pannakaisalodsod iti issue ti Chairmanship ti Committee on Infrastructure
iti Hunta Probinsial.
Daytoy ket kalpasan nga agsubli ni
Resigned Board Member Ernesto Pacuno, Sr. iti takemna kalpasan a
nangiparuar ti DILG a saan a balido ti resignationna gapu iti kaawan ti
pannakibiang dagiti padana a kameng ti SP ti pannakaaprobar ti
pannagikkatna.
Maipalagip a ginandat ni Pacuno ti
sumrek iti EIIB ngem daytoy ti nagpaliar kalpasan a waswasen ti presidente
ti nasao a grupo. Ni Barona ti nakaiyawatan ti chairnanship ti nasao
a komite iti temporario a pannakabakantena. |
| |
|
Annual
Development Plan Naibinsabinsa
by AAdriatico/CMN News |
| Inrakurak
ni Mr. Philip Tinggonong, hepe ti Provincial Planning and Development
Office a kangrunaan a ti Executive Order 189 ti pagibasaranda iti
pannakaputar ti Annual Development Plan iti probinsia.
Segun kenduana,daytoy ti agsentro
iti uppat a sektor: umuna, ti Social Development, maikadua ti
Economic Development, maikatlo ti Infra Development, ken maikapat ti
Development in Administration. Innayon pay ti Tinggonong a ti pundo
ti ADP ket agtaud iti 20% iti Internal Revenue Allotment ket ti
rehabilitation dagiti provincial road kadagiti upland municipalities ti
pakaibuyatan daytoy. |
| |
|
Pannakatiliw Ti
Suspek Agpatuong Ti PNP
by UBobiles/CMN News |
| Nangawagan
ti liderato ti Abra PNP kadagiti amin nga umili iti Abra iti
pannakitinnulongda ti maysa a suspek ti pammapatay sadiay ili a Tayum itay
laeng nabiit.
Daytoy ti nagbalin a panawagan ti
Abra PNP Command kalpasan nga agtaltalinaed pay paeng nga at-large ni Lito
Alagao, maysa kadagiti suspek iti pammapatay kenni Rodolfo Sanidad alias
"Black Cat". Inlawlawag ti Abra PNP a rumbeng a makemmegen
ti nasao a suspect sakbay a maka-aramid manen iti sabali pay a krimen.
Ni Alagao ket maysa kadagiti uppat a maitudtudo a suspetsa iti pampapatay. |
| |
|
Plantasion Ti
Mangga Nauram
by BPalino/CMN News |
| Saan
nga magatadan no bannog ti pagsasaritaan. Daytoy iti inrakurak ni
dati nga mayor iti ili nga Penarrubia Antonio Domes-ag kalpasan nga mauram
iti 4 nga ektarya nga plantasion na iti mangga iti nasao nga ili.
Kinuna pay iti dati nga ama iti
Penarrubia ket nairaman pay nga nauram iti maysa nga trakna nga adda iti
nasao a plantasion. Igonam-gonam iti nasao dati nga mayor nga
masapol koma iti naananay nga panagan-annad dagiti umili aglalo unay
kadagiti mapan-agal-ala iti itlog ti abu-os gapuen ta daytoy iti mapapati
nga nakaigapuan iti pannaka-uram iti plantasyonna.
Innayon pay ni Domes-ag a napintas
unay gapuen ta timmulong dagiti bombero iti ili nga Bucay ken Bangued
tapno saan a nakayamkam iti plantasion ni Dominic Valera, gapuen ta no
nagkaykayamkam iti apoy iti daytoy a lugar ket sierto nga ad-adu pay iti
dimmapo a sanikua. Innayonna pay a gapuen iti daytoy a pannakauram
iti plantasion ket nairaman a napogpogan iti linia ti power supply iti GMA
isu nga nagpukaw iti serbisio ti Channel 7. Numan pay kasta ket
padpadasenna a ipasimpa. |
| |
|
Kanayonan Nga
School Building Maipasdek
by CMN News |
| Nalpasen
a nagronda dagiti inhinyero a nangkita kadagiti pakaipasdekanto iti
elementary school buildings kas paset ti Third Elementary Education
Program wenno TEEP ditoy Abra.
Inlawlawag ni Mrs. Rose Brillantes,
Assistant Division Supt. ken chairman iti Bidding and Awards Committee, a
madama itan a kitkitaen dagiti engineers iti pannakai-prioritize iti
pageskuelaan kadagiti nadumaduma a municipio ditoy Abra. Manamnama
kuna ni Mrs. Brillantes a marugiananton ti pannakaipatakder iti DECS
division office paset laeng daytoy nga programa.
Adda metten panagmimiting dagiti
municipal engineers iti school building coordinator a ni Mr. Eduardo
Ruperto. Maipalagip nga awan sabali a panggep daytoy a programa no
di ti pannakapadur-as iti kalidad iti edukasion iti elementaria.
Adda counterpart iti provincial ken municipal government, kalaksidan iti
provincial gov'ts., counterparts iti TEEP program. Segun pay kenni
Mrs. Brillantes ti Morih construction firm ket maysa nga Japanese firm a
nakontrata para iti TEEP program. |
| |
|
|
| |
|
|
 |
|