|
ABRA
TODAY - DZPA
NEWS CORRESPONDENCE
(23 Apr 00 - 29 Apr
00) |
|
|
|
|
|
|
|
|
Presio Ti
Petroleo Naibilinen A Maipababa
by CMN News |
|
|
|
|
|
|
|
|
Binilinen
ni Mr. Felimon Antiporta, reseller trade manager iti PETRO Corp, iti
Makati City dagiti Petron Dealers iti pannakaipababa ti retail price
dagiti produkto a petroleo ditoy Abra.
Sungbat daytoy iti nainget a
panangsurot ni Bokal James Bersamin iti pannakaipatungpal koma iti
Sanggunian Panlalawigan Resolution No. 4 series of 2000 nga inotoronna
ken inapprobaran ni Gov. Ma. Zita Valera a mangdawdawat iti Petron ken
Pilipinas Shell a mangibaba ti retail price iti produkto a petrolio
ditoy Abra.
Pumaris koma iti presio diay Vigan/Bantay,
Ilocos Sur a saan a pumaris iti presio dagiti paggasolinaan idiay Laoag
City nga adadayo iti 80 a kilometro iti Bangued. Daytoy a surat ni
Mr. Antiporta ketinturongna a mismo kenni Vice Gov. Luis Bersamin, Jr.,
ken SP James Bersamin.
Maipalagip nga idi mangrugi ti
bulan ti Marso impababan ti Shell dealers ti presio iti lakoda a
produkto iti petrolio gapu iti pammilin ti head officeda. Itay
nabiit nagtungpal metten dagiti Petron dealers. Itan, dandanin
agpada ti presio ditoy Abra ken Vigan, Ilocos Sur. Iti biang ni
Bokal Bersamin, kunana a maragsakan unay iti dakkel a nagpababaan iti
presio dagiti produkto iti petrolio ket sigurado met a makatulong unay
kadagiti umili. Agtultuloy ngarud iti panangmonitorna iti daytoy a
banag. |
|
|
|
|
|
|
|
|
Supervising
Principal Awanan Item -- DECS Heads
by PParel / CMN News |
|
|
|
|
|
|
|
|
Inamin
dagiti District Heads ken ni OIC DECS Supt. nga awan nga item iti
supervising principal nga immunan a naited a puesto kenni Mr. Rico
Tubadeza.
Daytoy a panagamin ket kalpasan a
maangay iti pannakisarita dagiti kangangatoan a dadaulo iti DECS Abra
kadagiti kameng iti media. Rimsua daytoy nga issue kalpasan a mamati
ni Mrs. Lydia Laureta, TIC iti Agtangao Elementary School nga illegal ti
panangipuesto da Mrs. Helen Hernandez ken Mr. Velasquez kenni Tubadeza kas
Supervising Principal. No pay kasta, linawlawagan dagitoy nga
opisial iti DECS a saan nga appointment no di ket designation laeng iti
naited kenni Tubadeza. No pay kasta, maibilangen a saradon nga issue
daytoy kalpasan a mawaswas iti naited a puesto a supervising principal
gapu ta ti gagem daytoy ket iti pannakitinnulong laeng ni Tubadeza kenni
Laureta iti regional entry iti National Search for the Best School
Implementor in School Integrated Health Nutrition. Ti Agtangao iti
nakapasan iti regional level. |
|
|
|
|
|
|
|
|
CARAA 2001
Isagsaganan Ti Probinsia
by PParel / CMN News |
|
|
|
|
|
|
|
|
Naigget
ti panagsagsagana ti Provincial Government para ti mapaspasangasangan a
CARAA Meet a maaramid iti probinsiya ti Abra inton umay a tawen.
Kagiddan daytoy a banag, adda ti
maaramid a panagdaldalos dagiti umili ditoy Bangued a parupa ti kabisera.
Inrakurak ni Sanggunian Bayan Allen
"Brix" Bachiller a naammoan manipud kenni Diosdado Carino,
Provincial Administrator a nai-finalized ti probinsiya ti Abra ti agbalin
nga host ti mapasamak a CARAA meet inton umay a tawen. Naammoan pay
nga isagsagana metten ti Provincial Government dagiti ramramit a maaramat
ti nasao a kompetision. |
|
|
|
|
|
|
|
|
Panagpaadu Ti
Apit Naiyadal Kadagiti Mannalon
by LBigornia / CMN News |
|
|
|
|
|
|
|
|
Kinompirmahan
ni Dr. Pacifico Abaya, Municipal Agricultural Officer wenno MAO ti Bangued
a nagballigi ti program ti Estrada administration para ti panagpaadu ti
apit a pagay dagiti mannalon.
Daytoy ket mainaig ti naiwaras a
certified seeds kadagiti mannalon, insierto pay ti National Food Authority
a mangiparuar ti pautang kadagiti mannalon ditoy Bangued. Daytoy ket
arameten dagiti mannalon para ti kasapulanda. Numan pay kasta,
linawlawagan na a saan a kuarta no di ket in-kind ti ited ti NFA kadakuada.
Kagiddan daytoy a banag, kuna ni Dr.
Abaya a manarimaan metten ti panangpadas iti mais ti dua a barangay ditoy
Bangued, ti Lintan, ken Lipcan. |
|
|
|
|
|
|
|
|
DENR
Mangisayangkat Ti Clean Up Drive
by AAdriatico / CMN News |
|
|
|
|
|
|
|
|
Inrakurak
ni Engr. Ernesto Aton iti DENR a maisayangkat manen iti clean up drive iti
sapasap a paset iti probinsia babaen iti pannakitinnulong dagiti Abrenios
ken iti gobierno probinsial.
Daytoy ket paset iti selebrasion iti
sangalubungan nga Earth Day Celebration. Innayon pay ni Engr. Aton,
a kasapulan iti pannakitinnulong dagiti residente partikular kadagiti as-asideg
iti kabanbantayan iti pannakasulwad iti aglawlaw. Immuna iti daytoy
maipalagip nga idi napan a tawen naisayangkat iti operation kontra baha
kas paset iti Earth Day Celebration ken daytoy manen ti maadaptar ita a
tawen. Ti tema ti Earth Day Celebration ita a tawen ken
"Sustainability is a Gateway to Prosperity." |
|
|
|
|
|
|
|
|
Koleksion Ti
BIR Iti Pidigan Basbassit Ita
by BPalino / CMN News |
|
|
|
|
|
|
|
|
Basbassit
ita iti koleksyon iti BIR nga bu-is no idilig mo idi napalabas a taw-en
diay munisipio iti Pidigan.
Daytoy iti kinompirmaran ni Miss
Nora Azurin pannakabagi iti BIR diay Pidigan. Segun kenni Miss
Azurin ket maysa kadagiti rason no apay a basbasit iti koleksiyon da iti
daytoy a taw-en ket iti saan a pannakairaman iti additional compensation
allowance wenno ACA. Numan pay kasta ket kinuna pay ni Azurin nga
ad-adu iti nangipila iti income tax iti daytoy a taw-en ngem idi napalabas.
Kabayatanna, ket saan pay laeng a
nakontar no mano met iti nakolekta da iti daytoy a taw-en ngem insierto ni
Miss Azurin a maamuan danton iti gatad ti koleksyonda kalpasan iti
sumagmamano nga aldaw. |
|
|
|
|
|
|
|
|
|
|
|
|
|
|
|
|