|
ABRA
TODAY - DZPA
NEWS CORRESPONDENCE
(07 May 00 - 13 May
00) |
|
|
|
|
|
|
|
|
Titulo Ti
Daga Iyur-uray Ti LRA Office
by PParel
/
CMN News |
|
|
|
|
|
|
|
|
INDAWAT
ni Atty. Danilo Molina, Register of Deeds ditoy Abra kadagiti umili
a saan pay a nakaala kadagiti titulo ti dagada a mapandan alaen
dagitoy iti Land Registration Authority Office.
Segun kenni Atty. Molina, adu pay laeng dagiti ili ditoy probinsia a
saan pay laeng a nakaala kadagiti inaplayanda a land titles
kangrunaanna iti ili a Boliney, Tayum, San Quintin, Langiden, Luba,
LA Paz, ken dadduma pay. Panawagan daytoy ni Atty. Molina
kadagiti umili a mangalan kadagitoy tapno isudan a mismo ti
mangidalimanek ken mangaywan kadagitoy. (UBobiles-CMN News) World
Red Cross Day diay Peñarrubia
INRAKURAK ni MR. Frennie Perlas, Officer-In-Charge ti Philippine
National Red Cross Abra Chapter nga adda maangay a World Red
Cross Red Crescent Day a mapasamak inton Mayo 8 iti agdama a
tawen.
Ditoy probinsia ti Abra, ti pakaangayan ti nasao a pasken ket ti ili
ti Penarrubia a pakaidar-ayan dagiti boluntario nga agtutubo iti
intero a probinsia. Naammuan pay babaen kenni Mr. Perlas a ti
kangrunaan a maisuro kadagiti agtutubo ket ti panagbalinda nga
aktibo a tumulong ken makipaset iti kanito nga adda dumteng a
kalamidad ditoy probinsia. Kuna pay ni Mr. Perlas a ti kangrunaan a
bisita wenno agsarita iti nasao a pasken ket ti gobernadora ti
probinsia |
|
|
|
|
|
|
|
|
Problema
Ti Basura Sangoen Ti Ili Ti Bangued
by BPalino / CMN News |
|
|
|
|
|
|
|
|
MAYSA
ita a problema dagiti umili ti Bangued ket ti agkaiwara a basura iti
nasao nga ili. Saan laeng a kadagiti igid ti kalkalsada
iti ayan dagiti saan a nabunag a basura no di pay ketdi iti uneg ti
Bangued Central Market a mangpataud iti saan a nasayaat nga angot
iti aglawlaw.
Nupay kasta adda ti plano ti gobierno lokal ti Bangued a gumatang
iti truck tapno adda agbunag kadagiti basura iti mismo nga ili.
Maysa a saludsod dagiti umili ket kaano a magatang dagitoy a truck
ket umasideg manen ti panagtutudo ket amangan no nakarkaron to manen
ti problema ti basura. Isu nga idawdawat dagiti umili ti
panagaksion dagiti opisyal tapno masolbar daytoy a problema. |
|
|
|
|
|
|
|
|
Panaguma
Positibo Iti Watershed
AAdriatico / CMN News |
|
|
|
|
|
|
|
|
POSITIBO
a kinumpiramaran ti maysa a mapagtalkan a source ti
pannakaisayangkat iti panaguma kenpanagpukan kadagiti dadakkel a
kaykayo iti dua a Watersheds iti probinsia nga Abra.
Maysa kadagiti dinakamatna ket ti watershed sadiay Malieng Boliney,
nagbaetan ti nasao nga ili ken ti Manabo kasta metten ti maysa pay a
watershed iti paset ti Dugong Bucay, nagbaetan met ti Sallapadan
ken Bucay. Maipalagip a ti paglintegan, maiparit ti aguma ken
agpukan kadagiti watersheds areas gapu ta daytoy ti posible a
mangpakiddit ti tubbog ti danum. Agparparang a nagbaybay-a
wenno saan a namonitor daytoy ti maseknan nga ahensia partikular ti
DENR. |
|
|
|
|
|
|
|
|
DECS
School Building Program Maipatpatungpal
by PParel / CMN News |
|
|
|
|
|
|
|
|
TI
pannakisarsarita ti DZPA CMN News kenni OIC Assistant Superintendent
Rose Brillantes ti DECS-Abra, madaman ti pannakaipatungpal ti School
Building Program babaen ti panangisayangkat ti DPWH-Abra.
Innayon pay ti Assistant Supt. a madama metten ti panangipatulod ti
DECS Central Office kadagiti libro ditoy probinsia ti Abra nupay
apagapaman nga impasardeng ni OIC Tomas Velasquez ti pannakaipatulod
kadagiti libro ditoy probinsia babaen ti School Publisher nga
S.D. Publication. Innayonna a daytoy ket gapu ta saan a sinurot ti
nasao a publikasion ti panangipatulodna kadagiti libro |
|
|
|
|
|
|
|
|
Kameng Ti
NPA Simmuko Iti 17th IB
by DZPA / CMN News |
|
|
|
|
|
|
|
|
AGTULTULOY
ti programa ti gobierno a mangaw-awis kadagiti kameng ti rebelde a
New People's Army iti panagsublidan iti sidong ti gobierno.
Mainaig daytoy , maysa a kameng ti Samahang Yunit Pangpropaganda
Unit Command I ti sitatallugod a simmuko iti Headquarters ti 17th
Infantry "Do or Die" Batallion iti panangidaulo ni
Major Fernando Felix idi Mayo 2.
Ni Waddy Battawang Dalingay, alyas Ka Liber, taga Sitio Matalibeng,
Mataragan, Malibcong ti personal a kinuyog ti inana ti imparang ni
Mayor Mario Baawa ti Malibcong kenni Congressman Vicsyd Valera
sakbay daytoy a pormal a simmuko iti 17th IB. Ni Ka Liber ti
nagparang a no 20 iti 1st Quarter Calendar Year 2000 iti listaan ti
order of battle babaen iti panangidadaulo ni Edgar Molina Alyas
Bobby wenno Dong nga agtigtignay iti akinamianan a paset ti
probinsia nga Abra. |
|
|
|
|
|
|
|
|
Problema
Ti Frankisa Ti Traysikel Agur-uray
UBobiles / CMN News |
|
|
|
|
|
|
|
|
AWAN
pay ti kompleto nga impormasion a dimmanon iti opisina ti Land
Transportation Office ditoy Abra mainaig iti franchising kadagiti
trycicle nga iti agdama ket adda iti kontrol ti munisipio a
makasakup kadakuada. Daytoy ti kinumpirmaran ni Mr. Noli
Mailed, Hepe ti LTO-Abra.
Nupay kasta, insiertona a mangted iti kompleto nga impormasion
mainaig iti daytoy a banag iti kanito a maikkanda met iti
impormasion. Maipalagip a nagbalin a kontrobersial daytoy a
banang a panangkontrol kadagiti tricycle operators nga
agkurkurre iti intero a lugar. Kabayatanna, inrakurak ni Mr.
Mailed ti pannakamitingna kadagiti padana a hepe ti LTO ditoy
pagilian mainaig iti implementasion ti Seatbelt Law iti senado. |
|
|
|
|
|
|
|
|
Imbestigasion
Ti Uram Ti Mister Donut Naisardeng
CMN News |
|
|
|
|
|
|
|
|
INRAKURAK
ni Fire Officer 2 ti Bangued Fire Department Mr. Romualdo Mailed,
imbestigador ti napasamak nga uram iti Mister Donut idi Abril 28,
apagapaman pay laeng a naisardeng iti imbestigasion ti nasao a
pasamak.
Daytoy ket gapu iti pannakaitaray ni Ariel Biscarra sadiay Lorma
Hospital, San Fernando City a naglak-am iti 2nd Degree Burn iti
paset ti rupa nga isu ti pakaalaan iti imbestigasion ti nasao a
pasamak. Naammuan pay babaen iti pakpakauna nga
imbestigasion nga addaan pakabuklan a P30T amin iti ti napukaw
iti nasao nga uram. Segun pay kenni FO2 Mailed a ti nagtaudan
ti uram ket maysa a tangke ti gasul. |
|
|
|
|
|
|
|
|
|
|
|
|
|
|
|
|