|
ABRA
TODAY - DZPA
NEWS CORRESPONDENCE
(14 May 00 - 20 May
00) |
|
|
|
|
|
|
|
|
P70T Para
Kadagiti RR's
by AAdriatico /
AT-DZPA CMNNews |
|
|
|
|
|
|
|
|
ADDA
iti nailatang a 70 a ribu a pisos nga Skills Development Training
Fund ti Provincial Government para kadagiti Rebel Returnees wenno
RR's iti daytoy a tawen. Daytoy ti kuna ni Mrs. Decimia Cabang,
dadaulo iti Provincial Social Welfare Office.
Segun kenkuana, tinawen a mangilatlatang ti gobierno provincial ti
pondo para iti Livelihood Program ken daytoy ti makaut manipud ti 20
Percent Development Fund ti IRA. No pay kasta, aminado ni Mrs.
Cabang a ti nasao nga Appropriation ket saan pay laeng a
naipatungpal gapu ti pannakaladaw iti release ti 20 Percent
Development Fund. No pay kasta, innayon ni Mrs. Cabang nga
adda met iti ilatlatang ti National Government nga 8 ribu a pisos
para kadagiti mabukel a kooperatiba dagiti Rebel Returnees. |
|
|
|
|
|
|
|
|
Irrigasion
Iti Sallapadan Babaen Ti CHARM
by UBobiles / AT-DZPA CMNNews |
|
|
|
|
|
|
|
|
MADAMAN
ti implementasyon dagiti tallo nga irrigation systems iti ili a
Sallapadan a sakup ti programa Cordillera Highland
Agricultural Management. Daytoy ti kinumpirmaran ti National
Irrigation Administration ti probinsiya nga Abra a mangkitkita iti
nasao a programa.
Ti agarup 8 milyon a pisos a pundo manipud iti CHARM iti naipanapan
iti Bantay, Gangal-Subusob ken Naguillan, agpapada a barangay ti ili
a Sallapadan. Manamnama a dumanon iti 86 nga ektarya iti
mapasayakan dagiti nasao nga irrigation systems kalpasan a
makompleto dagitoy inggana iti target date of completion.
Inlawlawag ti NIA- Abra a last quarter iti 1999 ti nakatuding a
panangrugi ti implementasyon dagitoy a proyekto ngem daytoy iti
naitantan iti 1st quarter iti agdama a tawen.
Kabayatanna, madaman iti pannakaisagsagana dagiti sumaruno a
proyekto ti pasayak para kadagiti dadduma pay nga ili a benepisyaryo
iti CHARMP. Kinumpirmaan pay ti NIA-Abra nga awan iti foreign
funded projectsda iti agdama. |
|
|
|
|
|
|
|
|
Pundo Para
Sports Nakuestionaran
AAdriatico / CMN News |
|
|
|
|
|
|
|
|
KUINESTIONARAN
ti Sangguniang Panlalawigan ti nailatang a pondo ti Provincial
Government para ti Sports and Youth Development Fund ti probinsia,
ditoy a makaut iti maysa a million a pisos para iti pannakapondo ti
benneg ti dinnayo.
Segun kenni Bokal Ernesto Pacunio, ti probinsia nga Abra ti agbalin
nga host ti maangay a CARAA Games ket adu dagiti panagsagana a
maisayangkat, pakairamanan dagiti Sports Facilities, Equipment
panagsanay dagiti atleta ti probinsiya, accommodation dagiti
sangsangaili a delegados ken dadduma pay. Agparparang a ti
nailatang a maysa a milyon a pisos ket kurang tapno maisagana ti
probinsiya dagiti kasapulan kas Host ti CARAA Games inton umay a
tawen. Gapu ti daytoy, plano a paayaban ti Junta ti dadaulo
iti Provincial Planning and Development Office tapno ilawlawag
daytoy a banag. |
|
|
|
|
|
|
|
|
Engr.
Aton CENR Officer Ti Lagangilang
by PParel / CMN News |
|
|
|
|
|
|
|
|
PORMAL
a nagtugaw ni Engr. Ernesto Aton a kas CENR Officer iti DENR
Lagangilang, babaen kenni OIC Joseph Insigne. Daytoy ket kas
panangtungpal ti direktiba ni DENR Sec. Antonio Cerilles. Ti simple
a turn over ceremony ket sinaksyan a mismo dagiti empleyado ti CENR
ken PENRO.
Ti pannakadesignar ni Engr.Aton a kas CENR ti pinirmaan a mismo ni
DENR Sec. Antonio Cerilles idi Abril 24, 2000. Kabayatanna, ti
outgoing CENRO Diego Ambatali ti Lagangilang ti naipromote kas OIC
PENRO diay Apayao. Ti napasamak a programa, inyunay-unay in
outgoing CENRO Ambatali kenni incoming CENRO nga itul-tuloyna koma
nga iringpas dagiti proyekto a saan a nalpas. Kabayatanna,
inyunay-unay pay ni Ambatali kadagiti sigud nga empleadosna a
makipartisipar ken aramidenda koma amin a kabaelanda tapno
matulunganda ti kabarbaro nga opisialda a naipatugaw. |
|
|
|
|
|
|
|
|
Danum Ti
MBWD Wenno Purified Water?
by UBobiles / AT DZPA CMNNews |
|
|
|
|
|
|
|
|
SAAN
a pannaka-alarma iti klase ti danum manipud iti Metro Bangued Water
District ti kangrunaan a rason ti iyaadayo dagiti water purifying
stations ditoy kabisera a Bangued. Reaksion daytoy ni Mrs.
Leanida Balbin, manager iti MBWD.
Kuna ni Mrs. Balbin a saan a kuestionable ti kinatalged ti ipapaay a
danum ti MBWD gapu iti agtultuloy a chlorination process nga
isaysayangkat dagiti bumanbantay a taoanda sadiay Lusuac, Peñarrubia.
Kalaksidan laeng daytoy kunana iti hypochlorinatorda iti Casamata
Park nga ayan ti sabali pay a reservoir. Inkalintegan ni Mrs.
Balbin a negosio ti pagsasaritaan iti iyaadu dagiti nasao a
purifying stations saan ket a ti kalidad ti danum manipud iti MBWD. |
|
|
|
|
|
|
|
|
|
|
|
|
|
|
|
|