|
ABRA
TODAY - DZPA
NEWS CORRESPONDENCE
(28 May 00 - 03 Jun
00) |
|
|
|
|
|
|
|
|
SB Vs.
Mayor Dumalan iti Amicable Settlement
by AAdriatico /
AT-DZPA CMNNews |
|
|
|
|
|
|
|
|
INAMIN
iti Sangguniang Panlalawigan nga agtultuloy iti panangsolbarda
babaen iti amicable settlement ti reklamo a naisagpat kontra iti
mayor iti Langiden babaen kadagiti kameng ti Sangguniang Bayan ti
nasao nga ili a pakairamanan iti bise mayor. Ti panangamin ket
nairakurak kabayatan iti personal pa anagparang ti Legal Counsel ti
bise mayor a ni Atty. Marcelito Barbero ti session iti junta.
Ditoy nga indawat ni Atty. Barbero ti pannakisagpaten iti reklamo
iti biang iti SP kas Committee as a whole ket agtultuloyen iti
hearing no saan pay laeng a maurnos babaen iti amicable settlement
aginggat Mayo 29 ti issue sadiay Langiden. Kabayatanna,
inbilin manen ni bise gobernador ken Presiding Officer Luis Chito
Bersamin ti pannakapaayab ti Mayor.
Ti personal met a pannakisarsarita ti CMN News kenni Atty. Barbero,
Legal Counsel ti SB Langiden, kunana nga desidido ti grupo na a
mangleppas ti nasao nga issue kontra kenni Mayor Guzman iti Langiden. |
|
|
|
|
|
|
|
|
P3.5 M Diversion
Dam diay Lagangilang
by UBobiles / CMN-News |
|
|
|
|
|
|
|
|
MADAMAN
iti pannakaitrabtrabaho ti maysa kadagiti proyekto ti imprastraktura
iti pangpadur-as ti biag ti probinsiya. Daytoy ti
kinumpirmaran ti Office of the Provincial Agriculturist wenno
OPAG-Abra.
Segun iti nasao nga opisina, madaman ti implementasion ti 3.5 milyon
a pisos a diversion dam sadiay Barangay San Isidro, Lagangilang
babaen iti Provincial Engineers Office ti probinsia.
Kabayatanna, mapaspasangasangan metten iti implementasyon ti sabali
pay a proyekto ti diversion dam iti barangay Budac, Tayum nga
aggatad iti 2.2 milyon a pisos. Insierto pay ti OPAG a
nalpasen ti validation iti lugar a pakaipasdekan daytoy sabali pay
nga irrigation support ti nasao nga ahensia ti gobierno.
Manamnama a kalpasan a makompleto ti pannakaipatakder dagitoy,
daytoy ti mangted ti naan-anay a taraon kadagiti benepisyario a
lugar. |
|
|
|
|
|
|
|
|
Irrigation
Projects ti CHARM Innem ti Madama
by UBobiles / CMN-News |
|
|
|
|
|
|
|
|
AGTULTULOY
ti programa a pannakaipasdek dagiti imprastraktura partikular ti
irigasion nga aggandat a mangtulong kadagiti mannalon ditoy
probinsia.
Mainaig daytoy, innem a proyekto ti pasayak ti madama ita nga
isagsagana ti Provincial Irrigation Office ditoy Abra partikular
kadagiti ili a masakupan ti Cordillera Highland Agricultural
Resource Management Program.
Maibilang kadagiti naiplano para iti year 2000 irrigation projects
ti CHARMP ti barangay Baoyan iti Boliney, barangays Saccaang, ken
Gangal iti Sallapadan ken barangays Ducligan, Lamao ken Lingey iti
ili a Bucloc.
Naammoan pay manipud NIA-Aba a naisubmitaren iti Regional Irrigation
Office ti feasibility study dagiti nadakamat a barangay kabayatan a
masur-survey pay laeng dagiti dadduma.
Maipalagip a nangrugin a maipatpatakder dagiti proyekto iti pasayak
babaen iti CHARMP iti tallo a barangay ti Sallapadan. |
|
|
|
|
|
|
|
|
Cheke
ti DECS nga Aggatad ti P5M Napukaw
by PParel / CMNNews |
|
|
|
|
|
|
|
|
INRAKURAK
ni Mr. Abraham Lumahan, Administrative Officer iti DECS Abra
nga inamin kadakuada ni Mr. Arnulfo Purisima, Administrative Officer
iti Regional office CAR a napukaw iti karton a nakaikabilan ti cheke
nga aggatad iti 5 a milyon a pisos ken kasta metten dagiti dadduma
pay a dukumento iti uneg a mismo iti luganna a nakaparada iti sango
pagtaenganda diay Agoo, La Union. Innayon pay ni Mr. Lumahan
nga idi napasamak ti nasao a pannakapukaw ti nasao a gatad ket adda
iti uneg ti pagtaenganna ni Mr. Purisima.
Ti panangisaludsod ti DZPA CMN News kenni Mr. Lumahan no ania met ti
mabalin a maaramidanda tapno maisubli met laeng kadagiti
mangisursuro iti napukaw a benepisio a para kadakuada ket imbagana
agpaaramidda laengen ti sabali pay a tseke. Numan pay kasta,
innayon pay ni Mr. Lumahan a saanna a masigurado no kaano a maited
kadagitimangisursuro ti nasao a benepisio agsipod iti kaawan iti
mangpirma iti nasao a tseke. |
|
|
|
|
|
|
|
|
Opisina
Ti LTO-Abra Naserrek
by PParel / CMNNews |
|
|
|
|
|
|
|
|
KINUMPIRMARAN
ni Mr. Nollie Mailed ti Land Transportation Office iti Bangued nga
adda maysa a tao saan pay laeng a masinunuo ti kinaasinnona ti
nangserrek ti opisinada iti saan pay laeng nga ammo nga aldaw.
Inrakurak pay ni Mr. Mailed a ti laeng nasukisok a lamisaan ket ti
lamisaan ni Mr. Delfin Flores maysa met laeng nga empleado ti nasao
nga opisina. Nupay kasta, saan met a nagaraw iti kuarta a
koleksion no di ket dagiti laeng sumagmamano a pappapeles iti
napukaw. Innayon pay ni Mr. Mailed a saanna nga inikkat ti
pammati na a maysa nga inside job ti nasao a pasamak ken talaga a
saan nga agtakaw ti rantana no di ket alaenna laeng ti nasao a
pappapeles. Kuna pay ni Mailed a naidanonna metten ti kuerpo
iti pulisia ti nasao a pasamak. |
|
|
|
|
|
|
|
|
P279T Nakolekta
iti Sand and Gravel tax
by AAdriatico / AT-DZPA CMNNews |
|
|
|
|
|
|
|
|
DIMMANON
iti 93.18 percent wenno pakabuklan nga nasurok a 279 a ribu a pisos
ti actual collection ti probinsia ti biang ti sand and gravel
tax manipud ti estimate collection a 3 gasut a ribu a pisos.
Daytoy ket manipud ti bulan ti Enero aginggat Mayo 3 ti agdama a
tawen. Kabayatanna, iti isu met laeng nga period of months,
nakasingir pay ti probinsia ti nasurok nga 4 a ribu a pisos ti
franchise tax, naringbawanna ti sangaribu a collection target; ti
professional tax nasurok a 26 a ribu a pisos; charges on forest
products sangaribu a pisos laeng manipud ti estimate nga 50 a
ribu a pisos; kabayatan nga iti sales on tilapia and fingerlings
manipud ti Kirmay Fish Farm ket awan uray siping manipud ti estimate
nga 25 a ribu a pisos kabayatan nga ti met amusement tax ket
nakasingir met ti probinsia iti 10 a ribu a pisos.
Ti suma total, manipud Enero aginggat Mayo 3 ti daytoy a tawen,
inrakurak ti probinsia ti biang ti Local Revenue Sources ket dumanon
ti nasurok a 3 a milion a pisos pakairamanan metten ti nasingir ti
biang ti Operating ken Miscellaneous Revenue, ken iti Real Property
Tax. |
|
|
|
|
|
|
|
|
|
|
|
|
|
|
|
|