|
ABRA
TODAY - DZPA
NEWS CORRESPONDENCE
(11 Jun 00 - 17 Jun 00) |
|
|
|
|
|
|
|
|
Santa-San
Quintin Road Narugianen
by AAdriatico /
DZPA - CMNNEWS |
|
|
|
|
|
|
|
|
Inrakurak
iti 1st District Engineering Office iti DPWH Ilocos Sur a nangrugin
ti pannakaitrabaho iti maluklukatan a baro a kalsada a mamagkamang
iti Banawang Santa Iloco Sur ken San Quintin, Abra.
Iti interview kenni Engr. de la Cuesta ti DPWH Ilocos Sur kabayatan
ti programa Doble Enkuentro, kinumpirmaranna nga adda 15 a porsiento
ti naitrabaho. No pay kasta, saan a nasurot ti immunan a plano
a Tunneling System, kayatna a sawen ket umusok ti kabanbantayan ti
dalan a maaramid gapu ta natrabaho ken nangina unay. Segun
kenni Engr. de la Cuesta,Cut ti maar-aramid ken madama payen
ti Blasting tapno mawaknitan ti bantay.
Naammuan pay manipud kenkuana a ti Regional Office ti DPWH Ilocos
Sur ti mangitrabtrabaho iti daytoy a pannakalukat ti baro a kalsada
a mamagkamang ti Banawang Santa Ilocos Sur ken San Quintin, Abra. |
|
|
|
|
|
|
|
|
Hanging
Bridge iti La Paz Madama
by PParel / CMNNews |
|
|
|
|
|
|
|
|
Madaman
nga isagsagana ti Sanggunian Bayan iti ili ti La Paz iti
pannakaipatungpalna iti maysa a Hanging Bridge a mamagkamang iti
Barangay Bulbulala, La Paz, Isit, Dolores ken Pangal Danglas nga
aggatad iti 90,000 a pisos.Daytoy ti naammoan ti CMN News kenni La
Paz Mayor Ysrael Bernos.
Innayon ni Mayor Bernos a naalan dagiti agtutubo iti suweldoda a
nakipaset iti SPES Program iti nasao nga ili. Innayonna pay a 40 a
porsiento a pondo ditoy ket naggapo iti Local Government Unit iti
nadakamat nga ili. Innayon pay ni Mayor Bernos nga
apaman a maipaima kadakuada ti 20% Development Fund iti La Paz,
dagusda daytoyen nga inggatang iti maysa a Mini Truck para iti
munisipyo. |
|
|
|
|
|
|
|
|
30 Nga
Aldaw Pawayway ti DBM
AAdriatico / AT-DZPA
CMNNews |
|
|
|
|
|
|
|
|
Inlawlawag
ni Mr. Anacleto Buenafe, a 30 nga aldaw laeng ti naited a pawayway
para iti Regional Office ti Dept. Of Budget and Management wenno DBM
a mangaprobar kadagiti maisubmitir nga Annual Investment Plan dagiti
LGU's pakairamanan dagiti barbarangay.
Iti uneg ti 30 nga aldaw a saan a mataming ti DBM daytoy,
kaipapananna metten daytoy ti naaprobaran. No pay kasta, innayon ni
Mr. Buenafe nga adda dagiti kaso a pannakaisubli dagiti naisubmitir
nga Annual Investment Plan gapu iti saan a pannakasurot ti
kabarwanan a sistema wenno saan ket adda dagiti kurang a nailanad.
Dinakamat ni Buenafe ti kaso iti Annual Investment Plan ti Bangued a
naisubli para ti sumagmamano a corrections.
Rumbeng kuna pay ni Buenafe nga iti uneg iti 30 nga aldaw ket
matamingen iti DBM ti naisubmitir nga AIP tapno saan a mataktak iti
release iti 20% Development Fund. |
|
|
|
|
|
|
|
|
Summer
Youth Camp iti Tallo nga Ili
by PParel / AT-DZPA CMNNews |
|
|
|
|
|
|
|
|
Naangay
iti Summer Youth Camp diay ili ti Daguioman, Tayum ken Danglas a tinabunwan dagiti
sumagmamano nga empleyados iti Capitolyo ken iti
DOLE- Abra babaen iti panangidaulo ni Mr. Gabby de la Vega. Daytoy ti
naammuan ti DZPA CMN News kenni Mr. Frennie Perlas, OIC Abra Red Cross.
Impalgaakna a ti kangrunaan a timmabuno ti nasao ket dagiti
nadumaduma nga SK iti nadakamat nga ili. Inrakurakna nga adu dagiti banbanag
a trinatarda maipanggep pay laeng no kasano ti agbalin nga aktibo kadagiti
nadumaduma nga aktibidades. Innayon pay ni Mr. Perlas nga adu met nga
agtutubo ti nakipaset ti nasao a pasken. |
|
|
|
|
|
|
|
|
Baliw a
titling ti daga idiaya ti DAR
by UBobiles / AT-DZPA CMNNews |
|
|
|
|
|
|
|
|
Silulukat
pay laeng ti opisina ti Department of Agrarian Reform ditoy
probinsiya nga Abra kadagiti umili ti Malibcong iti desisyon dagitoy
mainaig iti pannakaituloy ti land titling iti lugarda.
Daytoy ti kinumpirmaran ni Mr. Robert Ampaguey, Provincial Agrarian
Reform Officer ti Abra. Reaksiyon daytoy ti dadaulo ti nasao
nga ahensiya ti gobierno kalpasan iti immun-una a napasamak nga
irregularidad iti land titlingda. Inlawlawag pay ni Ampaguey
nga adda pondo para iti land survey idi napan a tawen ken daytoy ti
naiprioridad para iti Malibcong ngem gapu iti kaawan ti kumpirmasyon
dagiti umili, naiyakar ti nasao a pondo iti sabali nga ili a
nakaibilangan ti Lacub ken Sallapadan.
Nupay kasta, inlawlawag pay ni Ampaguey a silulukat latta ti DAR-Abra
a mangawat iti kanito a kayat pay laeng dagiti taga-Malibcong ti
agpa-land titling. Inrakurakna pay nga individual titling iti
inrekomenda a maaramid imbes a group titling. |
|
|
|
|
|
|
|
|
|
|
|
|
|
|
|
|