|
ABRA
TODAY - DZPA
NEWS CORRESPONDENCE
(25 Jun 00 - 01 Jul 00) |
|
|
|
|
|
|
|
|
3rd
Quarter Jubilee Celebration Naadal
by MRuiz / CMNNews |
|
|
|
|
|
|
|
|
KANGRUNAAN
nga aktibidades iti Great Jubilee Year para iti bulan ti Julio,
Agosto ken Septiembre napagsasaritaan iti steering committee for the
Diocesan Celebration of Jubilee Year idi June 19 idiay
Christian Formation Center.
Napagsasaritaan kada Msgr. Nilo S. Peig, chair nga iti bulan ti
Julio marambakan ti Jubilee for Ecology, Jubilee of Prisoners ken
Fil Mission Sunday.
Iti bulan ti Agosto maidagadag ti dawn procession wenno ti
procession of light iti solemnidad iti Assumption of Our Lady inton
Agosto 15. Daytoy met ti Diocesan Communications Day
celebration a pagkaykaysaan iti Abra Today, DZPA CMN ken Spirit
Radio ken ti DSO. Ti sacramento ti confirmation ti maysa a
maidagadag iti pannakaitedna kadagiti agtutubo manipud Agosto 19-20
a pannakarambak ti World Youth Day idiay Roma. Aggibus ti
pilgrimage iti imahen ni Blessed Arnold Janssen ken Joseph
Freinademetz inton September 8 nga SVD Foundation Day. |
|
|
|
|
|
|
|
|
Hernandez
Nangidatag ti Apela
by PParel / CMNNews |
|
|
|
|
|
|
|
|
KINUMPIRMARAN
ni CSC Abra Provinical Director II Mr. Rogelio D. Mercado a numan
pay addan inyetnag a pammilin ni Commissioner Corazon Alma de Leon
iti CSC a dismissal from service kontra kenni District
Supervisor Mrs. Helen Hernandez ket tuloy-tuloy latta ti
panagtakemna a kas supervisor.
Daytoy ket gapu ti panangidatagna iti apela iti korte suprema nga
isu ngarud ti mangiyetnag ti agbalina a pinal a desision kontra iti
kaso a sangsangwen ni Hernandez.
Kabayatanna, apaman a saan pay laeng a nangiyetnag ti pammilin ti
korte suprema para iti pannakapatakyas kenni Hernandez, daytoy pay
laeng iti mangituloy ti takemna a kas District Supervisor.
Maipalagip a ni Hernandez iti sumangsango ita kadagiti naduma-duma a
kaso ditoy probinsia iti Abra pakairamanan ditoyen iti dishonesty
ken dadduma pay. |
|
|
|
|
|
|
|
|
Provincial
Library Agkurang ti Libro
By PParel / CMNNews |
|
|
|
|
|
|
|
|
INRAKURAK
ni Mrs. Lucia Bringas, Clerk II iti Provincial Library nga
agkurkurang ti Masteral Books nga adda ti nasao a library.
Innayonna pay a dagiti mangal-ala ti masteralna ditoy Bangued ken
mapanda pay la diay Vigan, Ilocos Sur tapno dagitoy iti mapan
agresearch sadiay.
Kabayatanna, naammoan pay a mas naing-inget ita iti ipakpakat a
paglintegan ti nasao a library agsipud ti maysa a borrower wenno
agbulod ti libro ket saan a mabalin a maiyawid. Ti sabali a
bangir, nakaragsakanda met iti umadanin pannaka-iringpas ti
kabarbaro a buildingda a masarakan diay compound iti Bangued
West Central School. |
|
|
|
|
|
|
|
|
Rota Dagiti
Garbage Truck Mai-schedule
By AAdriatico / CMNNews |
|
|
|
|
|
|
|
|
SCHEDULE
iti panagrekurida dagiti garbage trucks ti kabisera a Bangued ti
nagsaritaanda Mayor Ramon Purugganan ken General Service Committee
Chairman SBM Allen Bachiller.
Para ti aldaw ti Lunes ken Hueves, Zone 1 ken 2 iti dump truck #1
kabayatan a Zone 5 ti dump truck # 2. Iti Martes
ken Biernes, Zone 3 iti dump truck #1 ken Zone 6 iti dump truck #2.
Kabayatan nga iti aldaw ti Miercoles ken Sabado Zone 4 iti dump
truck # 1 ken Zone 7 iti dump truck # 2. Innayon pay ni
SBM Bachiller nga iti maikatlo a dump truck iti agsentro iti Bangued
Central Market ken standby for emergency purposes. Ditoy
pay nga maadaptar iti solid waste management ordinance iti Bangued
idi 1996. |
|
|
|
|
|
|
|
|
P1M ti
Bucloc Pangkonkreto ti Kalsada
By PParel / CMNNews |
|
|
|
|
|
|
|
|
INRAKURAK
ni Bucloc Mayor Dr. Egan Sangoy nga iti nakaipanan iti 1 milyon a
pisos a naggapu iti LMP ken naaramat para iti pannakakonkreto
kadagiti dadduma a kalsada ti nasao a lugarda.
Innayon pay ti mayor a ti kangrunaan nga ik-ikkanna ti atensyun ket
iti pannakasimpa dagiti daldalan iti ilida agsipud ta no kasdiay a
dumteng iti panagtutudo kunana ket narigat iti agdalyasat dagiti
luganan. Impetteng pay ti mayor a madama metten iti
pannakasimpa ti maysa nga irrigation system a pinunduan ti NEDA nga
agbalor iti 3,000 a pisos. |
|
|
|
|
|
|
|
|
Sueldo Dagiti
Nagtrabaho Iti Reforestation
Project Awan Pay
By CMNNews |
|
|
|
|
|
|
|
|
PROBLEMA
iti saan pay la a pannakaawat iti sueldo dagiti nagtrabaho iti
reforestation project iti CHARM idiay Dao-angan, Boliney naidanonen
kenni Dr. Prudencio Flores, incharge iti CHARM ditoy DENR Abra.
Inlawlawagna a ti kauddian nga information a naawatna manipud
iti DENR Regional Office ket naipatuloden idiay DENR Central office
dagiti kangrunaan a pappapeles. Apaman a malpas a maapprobaran
maipan iti DBM santo maipatulod iti Regional Office.
Indawat ni Dr. Flores iti panagan-anus dagiti nagtrabaho ta sigurado
nga adda sumangpet a sueldoda numan pay adda pay la nakataktakanna.
Uray isuda nga agtrabtrabaho ket awan pay met iti naawatda a
sueldoda. Daytoy ti panangilawlawag ni Dr. Flores kas sungbat
iti maysa a contractor iti reforestration program iti
CHARM iti partena iti Boliney. |
|
|
|
|
|
|
|
|
Equipment
ti Danglas LGU Di Pay Nabayadan
By AAdriatico / CMNNews |
|
|
|
|
|
|
|
|
PINRAKURAK
ni Danglas Mayor Jojo Borbon a saanda pay laeng a naan-anay a
nabayadan dagiti equipment a ginatang ti LGU Danglas nga
agbalor iti sumurok kumurang a 5 a milion a pisos.
Segun kenni Mayor Borbon, agtultuloy ti atomatiko a kissay ti
pagbayadda iti maaw-awat iti nasao nga ili a share iti 20 percent
development fund iti IRA.
No pay kasta, ti likudan ti pannakaparigat ti gobierno lokal iti
pondo, kuna ti mayor a saanda pagbabawian ti pananggatangda kadagiti
nasao nga equipment a kangrunaan a maus-usar ti pannaka-simpa dagiti
agdadael a kalsada ti ili ken pati payen ti provincial road nga
agturong iti Danglas. Innayon pay ni Borbon a posible a
dumanon pay ti nasurok a dua a tawen sakbay a naa-anay a mabayadanda
iti utang ti banko. |
|
|
|
|
|
|
|
|
|
|
|
|
|