|
ABRA
TODAY - DZPA
NEWS CORRESPONDENCE
(02 Jul 00 - 08 Jul 00) |
|
|
|
|
|
|
|
|
Pannakatitulo
Dagiti Daga Ditoy Abra
by AAdriatico /
CMN News |
|
|
|
|
|
|
|
|
ISSUE
ti pannakatitulo iti daga ken klasipikasyon daytoy ti
nagposiposan ti regular session ti junta provincial kabayatan ti
panagparang da Engr. Gilbert Manglioan ken Mrs. Nely Millan.
Manipud kadakuada, naamuan nga agpason iti daytoy a tawen iti Free
Patent ken Free Titling dagiti dagdaga ditoy probinsia ti Abra.
Kabayatanna, ti issue ti maysa a creek iti Zone 5 Bangued a
tinagamtan ni Mr. Pingwan Go, inaminda Engr. Manglioan a technical
nga aspeto ti maipaayda iti konseho municipal ti Bangued.
Mainaig met ti rimuar iti nailian a warnakan panggep kadagiti peke a
land titles ditoy probinsia, kuna dagiti pannakabagi ti PENRO Abra a
dagitoy ti saan a maibiling a peke gapu ta addada iti babaen ti
alienable ken disposable lands ngem saan pay laeng a nakadastro.
Innayon pa ni Engr. Manglioan a ti kastoy a kamali a pablaak ti
maysa met laeng a kaduada iti DENR ti posible a mangdadael ti
programa agrario ti gobierno. |
|
|
|
|
|
|
|
|
Nalaes a
Tagilako Naduktalan
by LBigornia / CM News |
|
|
|
|
|
|
|
|
INRAKURAK
ti Sanitary Inspection Division iti ili a Bangued ti pannakaykali ti
naduktalanda a tagilako a pusit iti Bangued Central Market a saan
presko wenno daytoy ket nala-esen.
Daytoy ti action mainaig pay laeng iti report a dimmanon iti
sanitary inspectors a ti maysa a naglako idi kalman iti pusit ket
naparabawan iti presko ngem iti uneg na ket naduktalan a nala-es.
Gapuen iti daytoy a banag ket kinompiskar iti sanitary inspector iti
nasao a tagilako a pusit.
Saan pay laeng a nairakurak ti nagan ti naglako iti nasao a nala-es
a pusit ngem kinunada nga ingetandan ti panangkitada kadagiti
tagilako a maiserrek iti Bangued Central Market. |
|
|
|
|
|
|
|
|
Pannakatiliw
Dagiti Puslit A Kayo
|
|
|
|
|
|
|
|
|
INRAKURAK
ni Bucloc Mayor Dr. Egan Sangoy a nainget ti ar-aramiden ti
administrasionna kontra ti ilegal a pannakaipuslit dagiti
kayo. Segun iti Mayor, adda ti naipasdek a check point tapno
mangalsipo kadagiti logs a mailasat.
Innayon pay ni Sangoy nga itay laeng kallabes, nakaalsipoda iti
sumagmamano a karton iti narra tiles ken daytoy ti maatap a naggapu
iti ili ti Daguioman. Dagitoy a narra tiles ti adda pay laeng
ti ikot ti munisipio.
Impalagip manen ni Sangoy iti krusadana a mangbantay ken
mangpasantak iti aglawlaw gapu ta daytoy ti maysa kadagiti
kangrunaan ken kapapatgan a banag a nmaipatawid iti sumaruno a
henerasion. |
|
|
|
|
|
|
|
|
Pannakasimpa
Ti Dalan Nga Agturong Iti Bucloc
By AAdriatico / CMNNews |
|
|
|
|
|
|
|
|
SAAN
laengen a nagbaon ti kakadduana no di ketdi personal a nagturong
sadiay Sallapadan ni Engineer Ruben Bernardez, Provincial Engineer
ken kakadduana tapno kitaenda ti problema iti kalsada iti labes ti
Maguyepyep, Sallapadan nga agturong diay Bucloc.
Daytoy ti naammoan iti DZPA CMN manipud iti Provincial Engineer's
Office ken ti mismo nga opisiales iti Sallapadan. Kinadduani
Vice Mayor Garde Cardenas da Engineer Bernardez idiay site
ket ita a malem nakitan dagiti taga-Sallapadan iti panagdalliasat
iti grader a napan iti ayan iti pagprobproblemaan a narigat a
paset iti kalsada.
Immuna iti dayta adda met handwritten note ni Mayor Manuel Co Que
kenni Mayora Victoria Banez iti Sallapadan a mangdawdawat iti
itutulong iti equipment a mangsimpa iti kalsada nga inapprobaran met
ti mayora.
Itibiang ni Mayor Egan Sangoy
iti Bucloc, iti telephone interview kenkuana itay laeng malem iti
DZPA CMN inpeksana iti panagyamanna iti pannakaattension iti dayta
nga problema. Inlawlawagna pay nga no talaga nga agpakarigat
dagiti luganan mismo nga dagiti drivers, conductors ken pasaheros
iti agtitinnulong nga mangiduron wenno mangguyod iti lugan no
aglupak ken nairgat unay iti panagbiahe. Adda met panagtitinnulongda
nga drivers ken pasaheros.
|
|
|
|
|
|
|
|
|
Pannaka-fishpond
Dagiti Kalsada
By PParel / CMNNews |
|
|
|
|
|
|
|
|
ITI
pannakiumantayo kenni Engr. Ruben Bernardez, iti Provincial Engrs.
Office maipapan iti reklamo dagiti sumagmamano a bumarangay iti
Cosili East, Cosili West ken Lubong, Bangued.
Daytoy ket adda pannakainaigna iti problema iti kalsada gapu ta
arigna mabalin payen a raepan ken aramiden a fishpond gapu iti kaadu
ti danum. Nupay kasta, inkari met ni Engineer Bernardez a
mangipatulod kadagiti trabahadorna tapno inda kitaen ti nasao a
problema dagiti Bumarangay, partikular iti kalsada nga agturong iti
Bacsil ken Sito Dapat.
Iti sabali a bangir, kuna met dagiti sumagmamano nga umili a
mapukawandan iti namnama a sipud it kaawan iti aksyun nga
ar-aramiden dagiti tallo nga Barangay Officials.
Kabayatanna, impanamnama pay met ni Engr. Bernardez nga inton bigat
ket agsarita isunan maipanggep ti nasao a problema. Immuna ngem iti
daytoy, adda nagsurat a concerned citizen babaen iti istasyon ti
DZPA maipanggep iti agdama a problemada ken tapno idanon kadagiti
agrebbeng nga opisyal. |
|
|
|
|
|
|
|
|
|
|
|
|
|