|
ABRA
TODAY - DZPA
NEWS CORRESPONDENCE
(03 Sep 00 - 09 Sep 00) |
|
|
|
|
|
|
|
|
Municipal
Telephones Addaan Problema
CMN News |
|
|
|
|
|
|
|
|
INAMIN
ni Mr. Franklin Barcena, Technician ti Bureau of Telecommunication
ditoy Abra nga adda problema ti sumagmamano a Municipal telephone ti
probinsia.
Partikular a sinagidna ti telephone system iti ili a San Isidro ken
Boliney. Innayon ni Barcena a kalaksidan ti nasao nga ili,
sangsanguen pay ti ahensia ti problema ti bateria ti repeater.
Kagiddan daytoy, kuna ni Barcena nga addan ti nagproblema nga LCD
card para ti San Isidro ngem ur-urayenda pay laeng ti pammilin
manipud iti DOTC-CAR ti pannakaipadasna.
Kabayatanna, dagiti lima a repeaters a low bat ket masarakan
diay Pitao ti ili a Tayum, Kimmalugong ken Kimmul-ong ti San Isidro,
Bucag diay Tubo ken Soloen a mangsakop iti Bucloc ken Daguioman. |
|
|
|
|
|
|
|
|
Army Pabor
iti CAFGU
AAdriatico / CMN News |
|
|
|
|
|
|
|
|
KIDKIDDAWEN
dagiti opisiales ti Phil-Army iti soporta dagiti local nga opisiales
ti LGUs mainaig iti panagkasapulan nga maisubli iti bileg iti CAFGUs
kadagiti masangwanan nga aldaw. Daytoy iti rason iti
representation a dinar-ayan dagiti pannakabagi iti 17th IB 5th ID
iti PA a nakabase sadiay Gaddani, Tayum ti Session iti SP.
No pay kasta, inamin dagiti opisiales ti PA a ditoy Abra ket saan
met nga ania nga urgent a kasapulan iti Mass recruitment a kas
sadiay Mindanao. Saan met a mabalin kuna dagiti opisial ti PA
a dagiti ma-recruit a CAFGUs ditoy Abra ket maipan sadiay Mindanao
gapu ta dagitoy ket agpatingga laeng iti akemda iti Territorial
Defense Force a kayatna a sawen ket saanda a maiyadayo.
Kabayatanna, segun kenni Vice Gov. Luis Bersamin, presiding officer
iti SP, saan a masoportaran ti Junta babaen iti resolusion iti
finansial nga aspeto partikular ti counterpart ti probinsia ti
monetary needs dagiti CAFGUs gapu ta saanda met a maibaskag no addan
inlatang ti kongreso a pondo para kadagiti CAFGUs. No pay
kasta soportaran met ti SP ti extension ti bilang dagiti CAFGUs
ditoy Abra. |
|
|
|
|
|
|
|
|
Reklamo Kontra
Mayor et al Maisanud no...
AAdriatico / CMN News |
|
|
|
|
|
|
|
|
INRAKURAK
ni Att. Marlyn Damasen, Legal Counsel ni SB Marieta Dispo iti
Danglas nga isanod ti klientena ti administrative case a naisagpat
kontra kada Danglas Mayor Jojo Borbon, Municipal treasurer Patricia
Hernandez, ken Municipal Accountant Hope Tandingan no dagitoy iti
mangbayaden iti maiparbeng a backwages manipud iti bulan iti Enero
iti daytoy a tawen aginggat bulan iti Agosto.
Daytoy iti dinakamat ti Legal counsel ni Dispo kabayatan iti
representation iti regular session iti Junta Provincial. No pay
kasta napaay a nagparang ti respondent a ni Mayor Borbon. Agparparang nga agkidar iti 85 a ribu a pisos ti saan apay laeng a
naited a sueldo ni SB Dispo sipud pay daytoy ti nangabak iti recount
iti butos kontra kenni Pataray a ti agdama ket nangisagpat met ti
naud-udi iti apelana rason a saan pay laeng a madesisionan ti Mayor
ti Danglas no sia-asino kadagiti dua ti rumbeng nga umawat ti
sueldona.
Partikular a dinakamat ti complainant ti violation ti Chapter
IV Section 60 paragraph C ken E ti Local Government Code,
Oppression, Misconduct in Office, Gross Negligence. Dereliction of
Duty ken Abuse of Authority. |
|
|
|
|
|
|
|
|
10 A Polis
Dakkel Pay La Ti Sibetna
AAdriatico / CMN News |
|
|
|
|
|
|
|
|
INAMIN
ni Prov. PNP Dir. Raul Gonzales nga adda 10 laengen a bilang dagiti
nabatbati a kameng iti PNP Abra a saan a nakapasa iti
pananangpabassit iti tiyan kabayatan iti naituding nga aldaw.
Gapu daytoy, segun kenni PD Gonzales, dagitoy iti addan a naipatulod
sadiay Teachers Camp Baguio City tapno ipatuloy iti Operation Fat
Belly. Ti panagtuloy iti ehersisio pisikal dagiti 10 a polis a saan
a nakapasa ket agpatingga aginggat Oktubre 1 iti daytoy a tawen.
Segun kenni Gonzales, no saan latta a magun-od dagitoy a 10 a polis
ti naituding a rukod iti tiyan a 34 a pulgada awan kunana ti
maaramidanna no di ti ikkaten dagitoy iti serbisio kas panagtungpal
iti direktiba ni PNP chief Panfilo Lacson. Karaman ita
kadagiti agpabpabassit iti tiyan sadiay Teachers Camp ket dagiti
polisia iti dadduma a pay a probinsia iti CAR Region.
|
|
|
|
|
|
|
|
|
CAR
Reservists Adda Uppataribu
CMN
News |
|
|
|
|
|
|
|
|
UPPAT
a ribu amin dagiti reservists ditoy Cordillera Administrative Region
wenno CAR ket 970 dagiti taga-Abra. Daytoy ti siraragsak a
sungbat ni Col. Reuben Crisologo, regional commander ti 1st Regional
Community defense group iti AFP. Nagdalan amin dagitoy iti
training, kuna ni Major Daniel Mamaril, operations officer.
Numan pay adu dagiti naggraduar nga ROTC cadets kasapulan iti
panagaplikarda iti Community Defense Center ditoy Abra nga idauloan
ni Lt. Col. Danilo Baguio tapno maammoan ti interestda nga
ag-voluntario a tumulong iti tiempo a kasapulan ken kasta met
kabayatan iti kaadda iti kalamidad.
Kabayatanna inlawlawag ni Col. Crisologo a ti kangrunaan a rason no
apay nga immayda ditoy Abra ket isu ti panangammo kadagiti active
reservists. Bimmisita daytoy kadagiti presidente dagiti
pagadalan kas ti DWCB, AVC ken idiay ASIST. Kayat nga ammoen
da Col. Crisologo no ania dagiti problema nga sangsangwen dagiti
ROTC. |
|
|
|
|
|
|
|
|
|
|
|
|
|