|
ABRA
TODAY - DZPA
NEWS CORRESPONDENCE
(01 Jan 01 - 13 Jan
01) |
|
|
|
|
|
|
|
|
Haplos
Pagmamahal Dagiti Midwives
CMN News |
|
|
|
|
|
|
|
|
Naangay
itaay nabiit ti programa nga Haplos Pagmamahal Infant Massage
Project a pakikaysaan a proyekto iti Johnson and Johnson Philippines
ken kasta metten iti Philippine League of Government Midwives- Abra
Chapter.
Kangrunaan ditoy a nagbalin a sangaili ni Department of Health
Secretary Assistant Hon. Cecilia Barca- Santos a nangipaay met iti
panangdayawna ken panagsuportana kadagiti Midwives, Nurses ken
Doctors mga immay dimmar-ay ti nasao a pasken sadiay Provincial
Capitol Social Hall. Dimmar-ay pay met iti Regional Director
iti DOH a ni Hon. Eriberto Policar ken kasta metten ti ina ti
provincia a ni Gov. Ching Valera. |
|
|
|
|
|
|
|
|
Natnateng
Ditoy Abra Awanan Pormalin
PParel
/ MN News |
|
|
|
|
|
|
|
|
Inpaganetget
ni Ms. Minda Trinidad ti Office of the Provincial Agriculturist ditoy Abra a natalged dagiti
nateng a sumsumrek ditoy provinsia.
Daytoy ti reaction ni Trinidad ti rimmuar a damag a sumagmamano a
merkado publiko diay Manila nga aglaklako ti nateng ti naduktalan a
napormalin tapno agtalinaed a presko ti kitana. Kuna ni Trinidad a ditoy
probinsia, natalged dagiti nateng a sumsumrek. Numan pay kasta,
inrakurakna nga adda posibilidad a dagiti prutas nga aggapu iti ruar ti
probinsia,
kangrunaanna manipud Metro Manila ti addaan preservatives, kas koma ti pormalin.
Kagiddan daytoy, nanawagan ni Trinidad ti publiko ti panagannadda
kadagiti prutas nga aggapu diay Manila, partikular ti mansanas a posible a
napormalin tapno mapreserbar. |
|
|
|
|
|
|
|
|
Kaso
Kontra Polis Addan Rekomendasion Ti PIAS
AAdriatico / CMN News |
|
|
|
|
|
|
|
|
Inamin
ni Police Supt. Ruben Paderes, dadaulo ti Provincial Internal
Affairs Services ti Camp Juan Villamor ng addan rekomendasion
da ti kaso administratibo kontra kenni PO2 Isidro Panabang,
masuspetsa a nangpaltoog ken nangpapatay kenni PO2 Danilo Tandingan
itay nabiit diay Soot River.
Numan pay kasta, nagkedked daytoy a mangiruar ti rekomendasionna ti
issue. Inlawlawagna nga addanton iti Regional Internal Affairs
Service ti PNP ditoy CAR a mangiruar ti nasao a rekomendasion. Ni
Panabang ti mangsangsango pay ti kaso a criminal iti korte ditoy
Abra. |
|
|
|
|
|
|
|
|
Budget
Ti Probinsia Iti Tawen 2001 Focus Ti SP
CMN News |
|
|
|
|
|
|
|
|
Awan
ti mapasamak a pannakaikalendario dagiti kaso administratibo a
naisalpa ti SP kadagitoy a gundaway. Segun kenni SP James
Bersamin, Committee Chairman on Finance ti SP, ti deliberasion ti
pundo wenno Budget ti gobierno provincial ti madama a nakai-focusan
ti atensionda, particular ti budget ti tawen 2001.
Sumagmamanon nga opisina ti gobierno ti addan a naaprobaran ti
pundoda kas ti Provincial Agriculture Office, Office of the
Provincial Veterinary, Provincial Budget Office, ENRO, ken kasta
metten ti Provincial Engineering Office. Adda kadagupan
nga 273 a million a pisos ti pundo ti gobierno provincial manipud ti
IRA ken kasta metten ti Local Revenue Tax ken manipud iti daytoy, 52
a million a pisos met ti mailatang para ti Development Fund ti
probinsia.
|
|
|
|
|
|
|
|
|
Sangguniang
Bayan Ti Bucloc Nagresolusion
CMN News |
|
|
|
|
|
|
|
|
Inpasan
ti Sangguniang Bayan ti ili a Bucloc ti resolution no. 34 babaen ti
panangidaulo ni vice mayor maipapan ti problema iti saanda a
panagsueldo iti bulan iti Septiembre, Oktobre ken Nobiembre.
Naiteden ti kopia iti resolution kenni Congressman Vicente
Valera, Gov. Ma. Zita Claustro Valera, Vice Gov. Luis Chito Bersamin,
DILG ken dadduma pay a maseknan nga ahensia. Indawat dagitoy
nga opisiales iti Bucloc ti itutulong koma dagiti maseknan a
turayenda tapno iti kasta ket maited metten ti nabayag nga
ur-urayenda nga sueldoda. Agpayso a naawatdan ti Internal
Revenue Allotment ( IRA ) ngem problema gapuen ta naibayad met iti
nadumaduma a nakaalaan iti utang iti municipio. Immuna iti
dayta idi rimmuar daytoy a problema inannugot ni Mayor Egan Sangoy
nga iti naawatna nga Internal Revenue Allotment ket naibayad iti
utangda.
Kabayatanna, dawdawaten pay dagitoy nga opisiales a no adda manen
sumangpet nga IRA ket maipasa koman iti individual a bank account da
ti kaannatop a sueldoda.
|
|
|
|
|
|
|
|
|
Tubo
Ken Tineg Pilot Municipalities Ti NSO
CMN News |
|
|
|
|
|
|
|
|
Tubo
ken Tineg ti 2 a pilot municipalities a pakaiyaramidan iti programa
a pannakairehistro dagiti agtawen ti 18 nga agpababa. Dagitoy
a munisipio ti pilot areas gapuen ta dagitoy ti nairecord iti
National Statistic Office a kabassitan iti bilang iti nairehistro
nga ubbing.
Kuna ni Mr. Peter Saguilot, Provincial Statistic Officer nga
agtinnulong ti Plan International, maysa nga international NGO nga
mangkitkita iti pagsayaatan dagiti ubbing. Isuda ti mangted
iti pundo para iti daytoy a programa. Numan pay libre ti
registration dagiti ubbing agingga iti reglamentary period a maysa a
bulan, adda national law a mangyetnag iti penalty no saan a
mairehistro ti nagannak ti ubing iti uneg ti maysa a bulan.
Daytoy ti masuportaran iti municipal ordinance kuna ni Mr. Saguilot.
Numan pay kasta daytoy a programa, unregistered children a
pantinnulongan iti NSO ken Plan International uray no naladawen iti
panagparehistro dagiti nagannak kadagiti annakda iti Tubo ken Tineg
awan penalty na.
|
|
|
|
|
|
|
|
|
|
|
|
|
|