|
Kayatmo
Kadi Nga Rumang-ay ti Abra?
Adtoyen
ti bukel nga maitukit tapno mangipaay iti naraboy nga bung-bunga a
pakairamananto ti amin a taga-Abra. Adda main-inaw nga kooperatiba nga
pagnunumuanan dagiti nareregta ken mannangisakit nga annak ti Abra.
Iti
punganay ti kooperatiba, 25 nga Abrenian ti mangipasdek ti pundasyon na.
Dagitoy umuna nga 25 a miembro ket isuda ti mangbukel ti regulasyon nga
surutento ti kooperatiba.
Kasano nga matulungan ti kooperatiba dagiti marig-rigat ti Abra?
Inton
mangrugin ti operasyon ti kooperatiba dagitoy ti pakaiyusaranna:
| 1. |
|
Aglako
ti bugaso, feeds, bukbukel, bomba a para pasayak, hand tractor,
tilyadora, ken dadduma pay nga kasapulan ti agrikultura ken
panagpatanor ti lames(aquaculture).
|
|
|
2. |
|
Agitulod
kadagitoy nga materyales iti lugar nga pakaiyusaranda.
|
|
| 3. |
|
Mangipaay
iti tulong teknikal maipanggep kadagiti kabaruanan nga wagas,
mairaman ti processing ken packaging, dagiti agricultural ken fish
products.
|
|
|
4. |
|
Aggatang
kadagiti produkto ti agriculture ken aquaculture.
|
|
|
5. |
|
Mangbunag
kadagitoy a produkto.
|
|
|
6. |
|
Mang-proseso
ken mang-package kadagitoy a produkto.
|
|
|
7. |
|
Mangilako
iti wholesale ken retail, dagiti processed agricultural ken fish
products.
|
|
Amin
a miembro ti kooperatiba ket maikkan iti diskwento no gumatangda ti
kasapulanda iti talon wenno fishpond. Kasta met no ipaitulodda dagitoy,
adda met diskwento ti plete ti ginatangda.
Nangat-ngato
met ti presyo ti pananggatang ti kooperatiba kadagiti produkto nga ilako
ti miembro.
Tunggal
panagtapos ti tawen, maibingayanto ti miembro manipud iti ganansiya ti
operasyon ti kooperatiba. Ti bingay ti miembro ket maitukad iti
bilang ti shares of cooperation nga ik-ikutanna.
Ti
barangay nga pakaitakderan ti kooperatiba ket kasta met nga agsagrapto ti
pagsayaatan nga aggapu iti ganansiya ti operasyon ti kooperatiba.
Ket
ti nang-nangruna unay, masursuruan dagiti miembro kadagiti kabaruanan nga
wagas ti agriculture ken aquaculture; wagas ti panag-negosyo mairaman ti basic
accounting, auditing, ken marketing; wagas ti panangitakder ken panangpataray
ti maysa nga organisasyon; ken wagas ti panagbubutos.
Kasano
ti panag-miembro?
Iti
agdama, dagiti pay laeng umuna nga 25 core members ti masapul. Agsipud ta
daytoy a proyekto ket buklen dagiti Abrenian nga agnaed iti naduma-duma a
paset ti lubong, dagiti laeng web-enabled wenno agus-usar ti internet ti
maawis nga ag-miembro. Masapul ti proxy para kadagiti Abrenian nga saan nga
makaawid ken kasta met dagiti addaanen iti sabali nga nasyonalidad.
Sangapulo a ribu nga pisos(P10,000) ti napagkaykaysaan nga pakpakauna
nga puonan ti tumunggal core member. Daytoy nga kantidad ket maideposito iti
bank account nga naluktanen iti nagan ti kooperatiba “Abrenian Development
Multi-Purpose Cooperative” diay Equitable-PCI Bank ti Bangued, nga naitalek
ken ni Dra. Maribel Abaya agingga’nto no mapili ti regular nga tesorero ti
kooperatiba.
Apagapaman
nga ma-approbaran ti rehistrasyon ti kooperatiba manipud iti Cooperative
Development Authority(CDA), mairuginto metten ti panagpalista dagiti regular
nga miembro. Ti regular a miembro ket manam-nama nga sisasagana nga
mangaramid ti akemna a kas miembro. Maysa kadagitoyen ti panaggatang ken
panagilako iti kooperatiba, saan ket nga iti kompetisyon. Masapul met nga
nakasagana nga mapan umatender kadagiti seminar ti kooperatiba, ken kadagiti
sesyon ti general assembly. Kasapulan met nga mapan bumutos bayat ti
panagpipili ti miembro ti board of directors.
Dagiti regular a miembro ket manam-nama nga agbayad ti membership fee
nga ‘di sumurok iti P500, ken maysa wenno ad-adu pay a shares of cooperation
nga aggatad ti P100 tunggal maysa a share, wenno nangat-ngato a presyo,
depende ti mapagtutunosan dagiti core members.
Prepared
by:
GERRY
PALOS BRIOSO
Acting Chairman of the Board
Abrenian Development Multi-Purpose Cooperative
|
